Bul jóninde aqparattyq-kommýnıkasııalyq ortalyǵynda ótken brıfıngte Shymkent qalasy Taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Ǵalymjan Ábishev málimdedi, dep habarlaıdy Egemen.kz
– Shymkent qalasynyń Bas memlekettik sanıtarııalyq dárigeriniń 2020 jyly 12 tamyzda №31 qaýlysy shyǵyp, №30 qaýlysyna ózgerister men tolyqtyrýlar engizildi. Atap aıtsaq, saýda ortalyqtarynda, azyq-túlik jáne azyq-túlik emes dúkenderde, qyzmet kórsetý salasyndaǵy obektilerde jáne adamdar kóp jınalatyn oryndarda kúndelikti dezınfeksııalyq is-sharalar ótkizý. Osy qaýlymen qyzmeti toqtatylǵan nysandardy nemese basqa jumys ýaqytysy belgilengen nysandardy qospaǵanda barlyq qyzmet kórsetetin nysandardyń (hımııalyq tazalaý, kir jýý oryndary, kilem tazalaıtyn obektiler, tehnıkany, kıim, aıaq kıim jóndeý sheberhanalary, atele, gúl, ósimdik tyńaıtqyshtaryn, baqsha qural-saımandaryn, qurylys zattaryn jáne quraldaryn, radıotaýarlaryn satatyn dúkender, kıim jáne aıaq-kıim, dúńgirshekter, metall qabyldaıtyn oryndar, maqta tútý sehtary, uıaly baılanys keńseleri, bıznes-ortalyqtary, advokat, notarıýs, býhgalter jáne konsaltıng kórsetiletin qyzmetteri, jyljymaıtyn múlik jónindegi agenttikter, jarnama agenttikteri, sot oryndaýshylary jáne t.b.) jumys kúnderi (dúısenbi-juma) jumys ýaqyty saǵat 09:00-den 18:00-ge deıin shektelip, demalys kúnderi (senbi, jeksenbi) jumystary toqtatylady. Al avtojýý oryndarynyń jumys ýaqyty saǵat 09:00-den 21:00-ge deıin shektelýmen jumys isteýine ruqsat etildi, – dedi Ǵalymjan Motaıuly.
Aıta keteıik, Shymkent qalasynda 2020 jylǵy 24 naýryz ben 12 tamyz aralyǵynda COVID-19 ınfeksııasymen 5131 jaǵdaı tirkelgen. Onyń 2617-si sımptomdy, al 2514-i sımptomsyz. Búginde naýqastardyń 3866-sy saýyǵyp, 1218-i em alýda. Sońǵy málimetterdi jetkizsek, qalada 12 tamyzda ınfeksııanyń 10 jaǵdaıy tirkelip, ósim 0,2% qurap otyr.